(¯`•._) (ولسه... بتفكر !!!!) (¯`•._)

[أبويحيى]

:LLL:

[center:ed085175ff]



لو واحد فينا حد شتم أخوه الصغير أو ضربه ... ياترى هيكون رد فعله إيه ... وهيزعل أد إيه ... وشعوره تجاه الشخص اللى عمل فى أخوة كده هيكون إزاى ...

طيب بالله عليك مين أغلى عندك ... دينك ... ولا أخوك أو ابنك ...

هل عندك حاجة أغلى من دينك علشان لما تشوف أهل الكفر بيتفننوا فى إهانة الدين بشتى الطرق ... ولا تتحرك ولا تعمل أى حاجه ... ولو على الأقل محاولة إنك تغير نفسك للأحسن وتتمسك بدينك أكتر وأكتر .

ياترى لسه بتفكر ..

نبيك - صلى الله عليه وسلم - يرسم فى صورة خنزير والصورة تتنشر .. وإنت لسه بتفكر تتوب لربنا ... ولا لأ

حبيبك - صلى الله عليه وسلم - يرسم فى صورة شخص عدوانى شهواني ... وإنت لسه بتفكر هتصلى فى المسجد ولا لأ ... وإنتى لسه بتفكرى هتلبسي الحجاب الشرعي الكامل ولا لسه ... وإنت لسه بتفكر هتسيب السجائر وسماع الأغانى ولا لسه ...

لما يوصلوا لدرجة إنهم يستهزأوا بدينك كله ... ويقوله إن الدين كله لم يجئ بشئ جديد وإنه كله شر للبشرية والإنسانية ... لما يقولوا إن دين الرحمة ... دينك ... شر للإنسانية .. وإنت لسه ملكش دور حقيقي وفعال فى نصرة دينك ... ولسه مش عايز تشيل هم دينك

مين يشيل هم دينك وينصره لو إنت منصرتوش

ياترى مستنى بينديكت السادس عشر ولا بوش ولا بلير ... لما هما اللى ينصروا دينك

والله عندهم حق ... آه ... لما يشوفوا بنات المسلمين بقوا لابسين زى بنات غير المسلمين تحت مسمى التطور والحرية ... وأبناء المسلمين أخلاقهم بقت زى أخلاق غير المسلمين تحت مسمى الروشنة والحرية ... ولما يشوفوا المساجد فى الفجر تشتكى أين المسمين ؟؟؟ ... وقتها يبقى عندهم حق إنهم ليل نهار يعتدوا وينتهكوا فى الدين ... وإنت ... لسه بتفكر

الفرق إيه ... والمشكلة فين ... الصحابى زمان لما كان يسلم خلاص ... يبقى دينه أغلى عنده مش من ابنه ... لأ من حياته ... للدرجة اللى تخلى الصحابة الجليل خبيب بن عدي وهو على المشانق لقتله بعد أن أسره الكفار فقالوا له :أتحب أن محمدا مكانك وأنت بين أهلك؟
تخيل ماذا قال هذا الصحابي - رضى الله عنه - قال :و الله إنني لا أتمنى أن محمدا يصاب بشوكة وهو بين أهله وأنا في مكاني

فين الفرق .. الفرق إنهم فهموا الدين صح ... عرفوا إن معنى الإسلام هو الإستسلام التام لأوامر الله ورسوله صلى الله عليه وسلم .. يعنى من معانى شهادتك بلا إله إلا الله محمد رسول الله ..هو قبولك لكل أوامر الله ورسوله ... مش تيجى بعدها أقلك الصلاة تقلى لما اقتنع .. ولا أقلك الحجاب تقليلى لما أتجوز

واستسلامك معناه يقينك فى إن الله ورسوله صلى الله عليه وسلم ما يامروك إلا بما فيه الخير لك

فتنقاد وأنت مطمئن إنك كده على الصراط المسقيم

كنت بفكر فى الآية دى إمبارح : {وَأَنَّ هَـذَا صِرَاطِي مُسْتَقِيماً فَاتَّبِعُوهُ وَلاَ تَتَّبِعُواْ السُّبُلَ فَتَفَرَّقَ بِكُمْ عَن سَبِيلِهِ ذَلِكُمْ وَصَّاكُم بِهِ لَعَلَّكُمْ تَتَّقُونَ }الأنعام153

يعنى إنت النبى صلى الله عليه وسلم رسملك بالقرآن وبالسنة طريق ... المطلوب منك إنك تمشى عليه ... ونهايته يوصلك لجنة الرحمن

لو إنت بقى قلت أنا همشي شويه عليه وشوية على صراط تانى ممكن تلاقى نفسك فى الآخر فى خطر إنك متكونش فى الجنة

الموضوع ده نداء ... لكل مسلم ... فوق ... ومتفكرش معدش في وقت لإنك تفكر .... قبل أن تخرج من هذا الموضوع فكر ... هتعمل إيه لنصره دينك ..

هل مثلا هتبدأ التغيير الداخلى فى نفسك .... تتوب وتحافظ على الصلاة فى المسجد وتلتزم بهدى الحبيب صلى الله عليه وسلم وتبدأ تحفظ قرآن علشان في يوم ما تشيل إنت هم الدين

هل مثلا هتبدأ تتعلم علم شرعي وتتعلم لغات أجنبية لتكون في يوم ما داعية إلى الله على الشات ويتهدى على إيدك ألوف

هل قررتى مثلا إنك تخرجى للإسلام أولاد همهم كله إزاى الدين ده ينتصر ... زى أم محمد الفاتح اللى ربته من صغره ليكون فاتحا لقسطنطينية

...قررت تعمل إيه .. أوعى يكون رد فعلك زى ما هما عايزين بالظبط

شوية ثورة وبعدين كله يروح فى الفاضي ... لأ ... لازم نبدأ نفكر صح ... ويكون عندنا خطط عمل طويلة الامد ... لإن بكده نقول فعلا عملنا حاجه لدينا

وأوعى تقول ... إنت أكيد مش قصدك عليا ... لإن أنا لسه صغير يدوبك 17أو20 سنة ... صغير مين بس ... إنت فى سنك كانوا بيقودوا جيوش

ولا تقول إنت أكيد مش قصدك عليا أنا كبرت أوى ... دنا 35 أو 40 سنة ... وهو النبى وسيدنا أبو بكر لما الرسالة نزلت كان عنهدم كام سنة

مفيش حد مستثنى ... الدين مسئوليتنا كلنا

دينك دينك لحمك دمك [/center:ed085175ff]

[SlaveOfAllah]

[homaas]

جزاك بكل حرف مائة حسنة وضاعف لك كما يشاء وتقبل منك ..

ما شاء الله ... رائع فى مادة الموضوع ورائع فى نسقه وأروع فى أسلوبه

بانتظار نتاجك دوما أبو يحيي

:( تكريم : :( تكريم :

[dr_ghieth]

:LLL:

ما شاء الله على هذا الموضوع الأكثر من رائع...


أناأحسست أن الذى يتكلم هو الشيخ"حازم شومان"...

جزاكم الله خيراًً...

"دينك دينك...لحمك دمك"...ما أحوجنا إليها الأن...

بوركت أخى الغالى... :( تكريم :

[SlaveOfAllah]

:LLL:

رد احد افراد الجروب واعجبنى لانه شخص يريد ان يفعل شيئا

salam everyone
sorry for writing my e-mail in english but i don't know how to
type in arabic...but i just wanted to ask the person who forward
this message which is in this mail ,why didn't he try to figure out
a way which we can share it all together and start moving in the
right way ,step by step ..why can't we discuss ideas to start or do
good things to others ,help poor people ,or what ever u can figure
out to gain hasanat in ramdan like amr khaled used to do in sona3 el
7ayah when there was amr khaled before he disappears after returning
to egypt ..why can't we do a web site which we can all gather and
talk and discuss the next step or do an organization like fat7at
kheer or the rotary ..why don't we start a big project ourselves and
do something good for ourselves and for others ...i have lived in
the states for ten years and i came back here looking for
religion ,good moslems not like the people i have seen there who r
worse than all...why do churches attract cristians and we
don't ..why do they help others and we r not ..why do they teach
kids how to hate moslems and love themselves ..how can they be
leaders in the future ...please think about it and let me know .
thanks all
salam

ارجوا التعاون

[أبويحيى]

:LLL:

أنا مش عارف معنتش بفهم إنجليزى باين أو مبعرفش أربط الموضوع

لكن الأخ ده بيقول إن الموضوع مدالوش خطوات عملية يعملها

هو يمكن ده شئ ضرورى لكن لازم كل واحد فينا يشوف لنفسه دور بنفسه

واحد زيه بيجيد الإنجليزية ليه ميدخلش شات وبتعلم دين كويس ويتعلم طرق مناظرة نصارى أو دعوة غير مسلمين ويبدا يشتغل

إنك تلاقيلك دور تخدم بيه دينك سهلة ... المهم إنك تروحلة لإن مفيش حاجة هتجيلك وإنت قاعد مكانك

وبعدين مين قال إن مفيش حد شغال فى مشاريع خيرية المشاريع الخيرية بردك كتير وموجوده


أخى الحبيب

لو كنت وحدك مسلم ماذا كنت تفعل

اعتبر نفسك المسلم الوحيد فى الكون ولو إنت منصرتش دينك محدش هينصره

وقتها هتتحرك بحرقة أكبر

والموقع والمنتدى هنا سبيل لتجمعنا
فمرحبا بك


----------

ابعتله بقى يا أخى لو تحب

[dr_ghieth]

:LLL:

جزاكم الله خيراً...

فعلاً هذا الأخ يرتدى نظارة سوداء....إن الخير فى هذه الأمة إلى قيام الساعة....

كما يقول شيخنا الفاضل"محمد حسان":أعجزنا أن يكون لنا دور فى خدمة الإسلام ،فى وقت لم يعجز "هدهد "أن يجد لنفسه دور لخدمة الإسلام فى مملكة على رأسها ملك نبى؟؟؟!!!!!!"

اللهم استعملنا لنصرة دينك ولا تستبدلنا....اللهم أميييين

[SlaveOfAllah]

:LLL:

السلام عليكم

اخى ابو يحيى لم اكن اتوقع هذه الاجابه :

اولا ده شخص عايش فى امريكا بقاله سنين وراجع بيدور ازاى يعيش الاسلام صح هنا بس للاسف وجد ان المسلمين عايشين بالصوره الاسميه فقط (النقطه الاخيره تحليل شخصى من الواقع الحالى)
فمن الواضح انه جاله احباط ,وانت عارف كويس جدا ان الشخص لما بتبقى ايمانياته ضعيفه بيبقى فكره قليل قى الدعوه وخدمه المسلمين
وبيبقى من الصعب جدا انه ينطلق لوحده وخصوصا اذا كانت خطواته الاولى , اياك ان تنسى ان الله سخر لك من يعينك على فعل الخير من اصحاب ومن تنظر فقط فى وجهه فقط فترى الدنيا جميله وتشعر بان هنالك من يرافقك الطريق
ولقد قال رسول الله ان لاخوانه (نسأل الله ان نكون منهم) اجر خمسين من الصحابه فتعجب الصحابه وسألوا منهم ام منا ,فقال صلى الله عليه وسلم بل منكم لانكم تجدون على الخير اعوانا
وانت عارف كويس ان زمنا ده صعب انك تلاقى على الخير اعوان الا لو اذن الله واراد ,فلعل هذا الشخص لم يجد من يرشده وهذه النقطه من اهم النقاط فى الدعوه وهو المنهجيه

وانا افتكر ان انا كنت اتكلمت معالك فى هذه النقطه فى حوار خاص ان من اكثر الاسباب التى جعلت فى محبه لد/ حازم بعد فضل الله سبحانه انه بيشغل الناس وبيقلهم يعمله ايه ؟ الناس تايه ومش لاقيا شخص او دليل يدلها على الطريق
والاخوه تايه ومش لاقيه شيخ يدلها على الطريق ويتبناها (كان الشيخ يعقوب حفظه الله اتكلم ان لازم يكون ليك مربى يبقى كل حياتك ولكن من اين يأتى وان اتى فهل هو المنهج القويم والسليم )
ومن اكتر الاسباب بعد فضل الله الى عملت شهره لعمرو خالد فى الفتره الاخيره من دعوته انه بيشغل الناس معاه بيضع النقط الرئيسيه وبيرسم الخطه وباقى الافراد بتكمل وهو ده المطلوب من القائد فى اى مكان

نهاية : كان المفروض الحل العملى فى نقاط واضحه وصريحه ومحدده

ياريت ماكنش اتفلسفت زياده عن اللزوم وجزاكم الله خيرا

ومسائك طاعه

[SlaveOfAllah]

:LLL:

ومن النقط كمان الى لاحظتها الشخص ده بيتكلم فى عمل جماعى ضخم مش مجرد اطعام اسره او تبرع بمبلغ والمفروض ده يبقى فكرنا الفتره القادمه بيسموها فى مجال البيزنس long terms targets

اقتباس :
do an organization like fat7at
kheer or the rotary ..why don't we start a big project ourselves and
do something good for ourselves and for others

[dr_ghieth]

:lll:

إسمح لى أخى "أمجد" أن أعلق على ما تفضلت به ...فأنا أرى أن أخى أبو يحيى

لم يتفلسف كما تقول ولكن هذا الأخ "متشائم"إن جاز الوصف...

وقد يكون معذوراً لأنه لم يجد الصحبة الصالحة كما تقول ولكن هذا يفسر موقفه ولا يبرره

لأن الخير فى هذه الأمة إلى يوم الدين....ثم "سبحان الله" لا يستطيع أى شخص أن يخبرك بأى طريقة تخدم دينك لأنك

أعلم الناس بإمكانياتك وقدراتك ومواهبك التى تستطيع أن تخدمها لخدمة الدين

أما أن ينتظر كل منا "روشتات جاهزة" فهذا لا يليق ....ومن صدق الله صدقه ومن توكل على الله كفاه

ولن يسألنا الله عما هو خارج عن قدرتنا....

ويجب علينا أن نسير فى الطريق الصحيح الذى يبدأ بالعقيدة وتصحيحها وفهمها بشمولها ومقتضياتها فهى المبدأ والمنتهى

وهى الأساس الذى يبنا عليه...أما بعض الشباب يريد أن يغير الواقع وأن ينتصر المسلمون بين لحظات فهذا لا يفهم السنن

أعتذر على الإطالة......

[الله اعلم:

[SlaveOfAllah]

:LLL:

يا اخى والله انا احبك فى الله ,وعلى فكره انا قلت انا الى بتفلسف مش ابو يحيى :(ضحك):
بس انت بردو مفهمتنيش , انا عارف ان كل واحد عارف امكانياته بس لازم حد يوريه الطريق وازاى يمشى فيه وازاى يستغل الامكانيات دى بأقصى درجه

يعنى لو انت عندك عربيه bmw (ربنا يرزقك احسن منها ) وكل الى بتعمله بيها انك بتروح بيها بتمشى بيها بس ,لكن لما انا ركبت معاك ( بصفتى خبير فى 128) قلتك دى فيها كاسيت وفيها زجاج كهلرباء وفيها نظام امان وفيها نظام قياده اتوماتيك هتفرق صح ؟؟

ومش بس كده انا لو قلتلك الامكانيات دى انت ممكن برده متعرفش تستعملها لان مفيش حد وراك ازاى تستخدمها وممكن محاولتك دى تؤدى للفساد
النقطه كان تكلم الشيخ يقوب فى كتاب اصول الوصول فى جزء اجن العسل ولاتكسر الخليه ,تكلم الشيخ فيها عن مخاطر الاستخدام السئ او التسرع فى ادين واتباع الحميه والاهواء

اما بالنسبه لجزئية :ويجب علينا أن نسير فى الطريق الصحيح الذى يبدأ بالعقيدة وتصحيحها وفهمها بشمولها ومقتضياتها فهى المبدأ والمنتهى

ده فعلا شئ رائعه وهو ده المحرك الاول بس لو اسئ توجيهه هيؤدى الى نتائج مثل 11 سبتمبر وامثالها
ارجوا ان تكون وضحت الرؤيه وجزاك الله خيرا حبيبى فى الله

[dr_ghieth]

:LLL:


جزاك الله خيراً أخيى فى الله"أمجد"...وأحبك الله الذى أحببتنى فيه....

أولا:أعتذر فأنا فعلاً أخطأت فهمك بخصوص "أتمنى ألا أكون أتفلسفت"..

ثانياً:أهنئك على حدسك فالسيارة"BMW" هى المضلة لدى...!!!

ثالثاً"نحن لسنا مختلفين بخصوص أهمية وجود المربى الذى يوجهك فهو مهم جدا طبعاً..

ولكن:ما قصدته هو أن البعض يريد أن يجلس "مشلول الفكر " وينتظر الأخرين

أن يقولوا له ماذا تصنع ...فقد قال النبى "استعن بالله ولا تعجز"...

والأمر الأخر : هو أن بعض الشباب كل همه أن يشترك فى جمعية خيرية أو ما شابه_

وطبعاً هذا جميل ومطلوب_ لكن يجب الإهتمام بالعقيدة والتربية ...أنا أقصد ألا يهمل جانب من جوانب الدين على حساب

الأخر بل يهتم "بالعلم الشرعى من مصادره الصافية" و"العمل بما علم" و"الدعوة إلى الله على بصيرة" و"العلم بطبيعة الطريق إلى الله"..


لكن أن يعتقد أنه بقيامه بعمل خيرى وهو لا يعرف شيئاً عن عقيدة ولا عبادة ولا أخلاق ولا معاملات ويعتقد أنه يخدم دينه والأخرين ليسوا

كذلك فهذا خلل....وهذا ما حدث مع "عمرو خالد" تجد من يحبونه منبهرين به ويعملون فى اعمال خيرية_وهذا جميل_ لكن أين العلم الشرعى

لا تجهم يعلمون شيئاً للأسف....


وأخيراً: أعتقد أننى قلت العقيدة الصحيحة بشمولها ومقتضياتها الصحيحة ولا أعتقد أبداً أن هذا يؤدى إلى انحراف إلا إذا

تدخل الهوى ....

أحبك فى الله كثيراً أخى "أمجد"...

[حامل المسك]

جزاكم الله كل خير
موضوع جميل جدا
بارك الله فيك اخى ابويحى